سرینگر۔ 26اکتوبر (اے پی پی) کنٹرول لین نا ہڑتوم آ کنڈآک و مچ آ دنیا ٹی رہینگوک آ کشمیریک پگہ (ہفتہ نادے) یوم سیاہ اڈ ایترہ ہرانا مسخت جہانی برادری ءِ دا کلہو ءِ تروئی ءِ کہ بھارت اوفتا است خواہی تا برخلاف جموں و کشمیر آ غیر کانودی کوزہ کرینے و او اوفتے اوفتا ناقابل تنسیخ حق، حق خودارادیت تفننگ ءُ۔ کشمیر میڈیا سروس نا رداٹ 27 اکتوبر 1947 آ بھارت جموں وکشمیر اٹی تینا فوجی تے دڑفسا برصغیر نا بشخ وپانٹ نا ڈٹ انا کل انا مون آ خلاف ورزی ءِ کرسا کشمیری تا است خواہی تا برخلاف کشمیر آ کوزہ کریسس۔ مقبوضہ کشمیر اٹی داوخت آ پورو ہڑتال کننگک و مچ آ دنیا نا دارالحکومت آتے ٹی ریلی کشنگک۔ سید علی گیلانی ، میرواعظ عمر فاروق و محمد یاسین ملک آ تالان اسیجاحریت سرکڑدہ غاک داوخت آ ہڑتال نا ہم کال تسنو ہرانا ایلو حریت تنظیمک مخ تفی ءِ کرینو۔
