انسانی حق کمشنر نا بھارت اٹی انسانی حق انا حالیت آتیا گڑتی نا درشان

نئی دہلی۔ 26اکتوبر (اے پی پی) جرمن نا انسانی حق انا کمشنر بھارت نا تینا سرکاری دورہ نا وخت آ داملک اٹی انسانی حق، زالبول نا حق و آجوئی اظہار رائے نا حالیت آتیا تینا گڑتی تا درشانی ءِ کرینے۔ بھارت اٹی ناقدین آور نا برخلاف مقدمہ و کارروائی نا بابت ہراتم کوفلر آن ہرفنگا ، تو اونا پاننگ ئس کہ او دابارواٹی گڑتی نا گواچی ءِ کہ بھھارت اٹی ناقدین و سول سوسائٹی نا باسک آتے دزگیر کننگ انگ ءِ یا ولدا پین زیات سخت گام گیج کننگ انگ ءِ۔ اوداہم پارے کہ آجوئی اظہار رائے و تنقید کن دائرہ کار دین و دھرم اٹی کچ اٹ مرسا ہِننگ ءِ۔ جرمنی نا انسانی حق انا کمشنر پارے ’’دا نزور ی نا نشانی ءِ کہ ہراتم گیشتری تینے آن جتا نظریہ غاتے بنے و امنا کننگ آن نہ من نشان تننگے‘‘۔ جرمنی نا انسانی حق انا کمشنر بھارت اٹی زالبول نا برخلاف بیداد ڈوہ انا معاملہ غاہم بھاز گڑتی نا درشانی ءِ کرینے ۔ اونا بقول داحالیت آتے ٹی گچینی بیرہ و بیرہ کانود نا کمک اٹ بننگ کپک بلکن دابارواٹی راجی کہول آ ہیت بایدے مرے و آگہی المی ءِ۔ اونا رداٹ بنداوی ویل پام و ذہنیت نا ءِ، ہرادے تعلیم ، کانودسازی و ایلو وڑوڈول آتے اٹ بدلوئی تمک۔