اسلام آباد۔ 25 اکتوبر (اے پی پی) مزن وزیر عمران خان چینی سروک آنی داتگیں دعوت ءِ پد ءَ 2ءَ چہ 5نومبر ءَ تاں چین ءِ سرکاری تر ءُُ تاب ءَ کنت ایش اگست 2018 ءَ مزن وزیر ءِ سیٹ ءِ گر گ ءَ پد آئی ءِ اولی چین ءِ تر ءُُ تاب انت۔ وزیر ءِ درئی کار شاہ محمود قریشی ءَ ھوار ٹوھیں تک ءِ ڈل آئی ءِ ھمبراہ بنت۔ ترجمان درئی کارانی کارگس ءِ نیمگ ءَ پنچ شمبئے ءِ روچ ءَ جاڑی کتگیں بیان ءِ رد ءَ اے تر ءُُ تاب پاک چین جوانیں سٹریٹیجک شریکداری آنان گیش لھڈ ءُُ مھکم کنت، وتی تر ءُُ تاب ءِ ساھت ءَ مزن وزیر وزیر چینی صدر شی جن پنگ ءُُ مزن وزیر لی کی کیانگ ءَ گوں گند ءُُ نند کنت۔ دوئیں نیمگ ءَ سیادی آناں گیش کار آنی سر ءَ چار ءُُ تپاسی ءَ زور ایت۔ اے موہ ءِ سر ءَ جتا جتائیں شوبگ آنی تہ ءَ منوگری ءُُ کمکی یاتگیری آنی سر ءَ دست چنگل ھم جنگ بیت۔
