بڈاپسٹ ۔ 19 اکتوبر (اے پی پی) ہنگری ءِ مزن وزیر وکٹوراوربان ءَ گشتگ کہ آ یورپی کمیشن ءِ صدارتءِ ھاترءَ جرمن سیاستدان مانفریڈوبیر ءَ گوں ہمراہ داری کنت۔ ویبر یورپی مزن گس ءَ سینٹر رائٹ لیکہ ءِ منوکیں سیاسی گل یورپی پیپلز پارٹی ءِ رھشون ایں۔ آؤکیں سال یورپی کمیشن ءِ انوگیں صدر ڑاں کلودینکر ءِ مدت سرجم بوہگءَ ایں ءُ آ اے عہدگءَ را یل کنگ لوٹ ایت۔ مانفریڈویبر ءِ سیادی باویریا ءِ سیاسی گل کرسچین سوشل یونین ءَ چہ اِنت ءُ آ باویریا ءِ ریاستی اسمبلی ءِ باسک ہم بوتگ۔ دومی نیمگءَ فن لینڈ ءِ پیسرگیں مزن وزیر الیگزینڈر اسٹوب ہم اے عہدگءِ اُمیت وار اِنت۔

متعلقہ مضامینمصنف کی طرف سے مزید