سرینگر۔ 7 اکتوبر (اے پی پی)زوربرتگیں کشمیر ءِ تہ ڈھونگ ءُُ پنچائیتی گچینکاری ءِ برجم داری ءِ ھلاپ ءَ زارشانی کنگ ءِ ھاترا مروچی (دوشمبے) ءَ زوربرتگیں دمگءَ سرجم دربند کنگ بیت۔ کشمیر میڈیاسروس ءِ گوشگ ءِ ردا دربند ءِ گوانک سید علی گیلانی ، میر واعظ عمر فاروق ءُُ محمد یاسین ملک ءَ ھواریں حریت سروکاں داتگ انت وھدیکہ ہائیکورٹ بار ایسوسی ایشن ءِ ھوار دگہ گل ءَ دربند ءِ پلہ مرزی کتگ۔زوربرتگیں کشمیر ءِ تہ بلدیاتی گچینکاری گوزوکیں ماہ ءِ 8، 10، 13ءُُ16تاریخءَ بوھگ انت۔قوضہ کتگیں انتظامیہ ءَ حریت سروکاں سید علی گیلانی، محمد یاسین ملک ، غلام احمد گلزار ، حکیم عبدالرشید، مختار احمد وازہ، محمد یاسین عطائی ءُُ سید امتیاز حیدرءَ را گچینکاری بائیکاٹ جنز ھلائینگ ءَ چہ دارگ ءِ ھاترا گسانی ءُُ تھانہ ءِ تہ چم بند کتگ ات۔

متعلقہ مضامینمصنف کی طرف سے مزید