اسلام آباد۔ 05اکتوبر (اے پی پی) ملائیشیا ٹی پاکستان نا ہائی کمشنر محمد نفیس ذکریا پارینے کہ واپاری نسخان اٹی کمتی کن ملائیشیا ءِ امب آتیان بیدس ایلو میوہ غاتا برآمد آتے ودفنگ آ چکار کننگ انگ ءِ۔ داہیت ءِ او ملائیشیا نا خبررساں ایجنسی تون ہیت وگپ کرسا پارے۔ اوپارے کہ ملائیشیا ٹی پاکستان نا امب ءِ ہندی خلقت آن بیدس سیل و سوات آ بروک آ درملکی تے بھاز وڑانے۔ اوپارے کہ پاکستان میوہ و سوزی تا پیداوار نا بابت مالامال ملک اسے، ننا معیشت نا سیبو کشت و کشار آٹی ءِ۔ اوپارے کہ نن خوانہ کہ امب آتیان بیدس ملائیشیا ءِ شفتالو ، انگور و سٹرابری نا برآمد آتے ودفنگ آ ہم چکار کننگے۔
