صدر مملکت ڈاکٹر عارف علوی ءِ حکومتی ءُُ اپوزیشن زالبول اسمبلی باسکاں گوں تران
اسلام آباد ۔ 4 اکتوبر (اے پی پی) صدر مملکت ڈاکٹر عارف علوی ءَ زالبول باسک پارلیمنٹ ءُُ میڈیا ءِ سرا زور مان کتگ کہ چاگردءِ تہ بریسٹ کینسرءِ باروا سرپدی ودی کنگءِ ھاترا کرد ءَ پیلو کن انت۔ حکومتی ءُُ اپوزیشن زالبول باسک پارلیمنٹ ءَ گوں تران کنان ءَ گوشت کہ آہاں گوشت کہ اکتوبر ءَ بریسٹ کینسر ءِ باروا سرپدی ءِ ماہ انت ءُُ چاگرد ءِ تہ لیڈرز ءِ بستار ءَ زالبول پارلیمنٹ باسکانی سرا مزنیں زمہ واری انت کہ آں اے نادراہی ءِ بارواچاگردءِ تہ سرپدی ءَ پیدا کن انت۔ صدر مملکت ءَ اے نادراہی ءِ زوت پجار ءُُ درمان ءِ ضلورت ءِ سرا زور دیان ءَ ایشی ءَ را مزنیں دلگوشی گوشت ات۔آہاں گوشت کہ اے ھوالہ ءَ گوں زالبول وتی جائزگ ءَ وت کن انت ءُُ راھدربری ءَ زورانت۔اے مرض ءِ پجار ءُُ درمان نہ کنگ بیت تو باڈی ءِ دگہ بہرھم اثر مند بنت۔ صدر مملکت ءَ گوشت کہ آں دراھیں ٹی وی چینلز ءَ را نمدی نبشتہ کن انت کہ آں زالبول راھشون ،چاگردی جہدکار،زلبول لیئبی ءُُ نامداریں مردماں را وتی مارننگ شوز ءِ تہ لوٹائین انتءُُ بریسٹ کینسر ءِ ھوالہ ءَ چہ سرپدی جنز ءَ دیما برا نت۔آہاں گوشت کہ اینکرز ءُُ مراگش ءِ مہمانءَ را اے نادراہی ءِ باروا سرپدی دیئگ ھاترا وتی دستاں پنک ربن بندگ لوٹ ایت۔ بریسٹ کینسر ءِ گرودار ءُُ درمان ءِ تہ لیڈی ہیلتھ وزیٹرز ءِ ہزمتاں چہ پائدگ زورگ بہ بیت۔بنجاہی وزیر برائے نیشنل ہیلتھ سروسز عامر محمود کیانی،بنجاہی وزیر ھالرسانی ءُُ شنگکاری فواد حسین چوہدری، سینیٹ باسک ءُُ پارلیمنٹ باسک ھم اے موہ ءَ ساڑی اتنت۔
