اسلام آباد۔ 05اکتوبر (اے پی پی) مسلم لیگ (ن) نا راہشون سینیٹر آصف کرمانی پارینے کہ مسکوہی حکومت ملک انا معیشت ءِ سوگو کرے، مسکوہی وزیر خزانہ نا معیشت نا بابت گام گیج آتے جہانی مالیاتی ادارہ غاک ستاءِ کرینو ، نن پنچ سال اٹی گیس انا نہاد آتے ودفتون۔ جمعہ نا دے پارلیمنٹ ہاؤس نا پیشن میڈیا تون ہیت وگپ کرسا اوپارے کہ مسلم لیگ (ن) نا حکومت ملک اٹی توانائی نا بھلا ڈٹ آتا بناءِ کرے۔ ملک اٹی زرکاری ءِ ودفے و سی پیک نا ڈٹ انا بناءِ کرے ہرانا سوب ملک انا معیشت سوگو مس و زرکارآتا پت ودنگ آن زرکاری ٹی ودکی مس۔ اوپارے کہ مسلم لیگ نا حکومت ڈالر نا نہاد ءِ کنٹرول کرے۔ داسہ ڈالر نا نہاد آسمان آ سرمسنے۔ آصف کرمانی پارے کہ مسکوہی وزیر خزانہ ملک شونداری و معیشت ءِ سوگو جوڑ کننگ کن ہرا گام گیج آتے کرے اوفتا جہانی مالیاتی ادارہ غاک ستاءِ کرینو و اونا فیصلہ غاتا ستاءِ کرینو۔ ساڑی آ حکومت بننگ تون ہی گیس انا نہاد آتے ٹی ودکی کرے۔
