کوئٹہ۔ 03مئی (اے پی پی) کوئٹہ نا علاقہ دے ٹکی بائی پاس آ پولیس وین آ دھماکہ، 5کارندہ ٹھپی، اسہ کارندہ سینا حالیت نازرک پاننگ انگ ئِ۔ پولیس نا رداٹ سے شنبے آ کوئٹہ نا علاقہ دے ٹکی بائی پاس پولیس لین نا خڑک بلوچستان کانسٹیبلری نا گاڈی ہناکہ کہ اناگت اسہ دھماکہ اس مس ہرانا نتیجہ ٹی 5کارندہ ٹھپی مسر۔ ٹھپی مروک آتے ٹی اے ایس آئی نوراحمد، طارق، لیاقت، شاہنواز و محمد رمضان اوارو، پولیس و سیکورٹی فورسز آک جاگہ غا سرمرسا ٹھپی مروک آتے دمدستی وڑاٹ سی ایم ایچ ہسپتال آ گدریفیر ہراڑے اوفتے طبی امداد تننگ انگ ئِ ۔ ٹھپی مروک آتے ٹی 1کارندہ سینا حالیت نازرک پاننگانے۔ دھماکہ آن گڈ پولیس و سیکورٹی فورسز آک علاقہ نا ناکہ بندی ئِ کرسا دوبہ دار آتا پٹنگ نا بنائِ کرینو۔
