جکارتہ۔ 02اکتوبر (اے پی پی) اقوام متحدہ انسانی امور نا تنظیم (یو این او سی ایچ اے) پارینے کہ انڈونیشیا نا سلاویسی صوبہ ٹی زمی جمب و سونامی بننگ آن پد 191000 آن زیات بندغ آتے دمدستی امداد نا گرج ءِ۔ چین نا سرکاری خبر رساں ایجنسی شنہوا یو این او سی ایچ اے نا بابت پارے کہ سلاویسی ٹی 191000 آن زیات خلقت ءِ دمدستی وڑاٹ امداد نا گرج ءِ۔ دافتے ٹی 56درسد خلقت خلقی و ایلوفک شاری آبادی ءُ۔ اوفتے کُننگ، صاف دیر و جاگہ نا گرج ءِ۔ انڈونیشیا نا ڈیزاسٹرمینجمنٹ انسٹیٹیوٹ و خلقت نا خیالداری ءِ کروک آ ایجنسی ڈیٹا سینٹر نا رداٹ پالو، ڈونگلا، پرگ ماؤنٹونگ و قطبی ممو جو ضلع غاتے ٹی 1203 بندغ تپاخت کرینو۔
