واشنگٹن۔ 11ستمبر (اے پی پی) قطبی کوریا نا راہشون کم جانگ ان امریکی صدر ڈونلڈ ٹرمپ ءِ اسہ چھٹی اس گدریفینے ہراٹی اوڑتون اسہ وار ولدا اوڑدہی نا پارینے۔ امریکی خبر رساں ادارہ نا رداٹ وائٹ ہاؤس چھٹی ءِ مثبت گام گیج اس گوندانے۔ وائٹ ہاؤس نا پریس سیکرٹری سارا سینڈرز احوال اٹی پارے کہ دا چھٹی جزیرہ نما کوریا ءِ جوہری سلہہ غاتیان پاک کننگ آ ہیت وگپ نا بابت امریکی و قطبی کوریا نا حکومت آتا نیام اٹ فاصلہ کم مننگ نا مثال ءِ۔
