اسلام آباد ۔04ستمبر(اے پی پی) پاکستان تحریک انصاف ءِ صدارتی امیتوار ڈاکٹر عارف علوی212ووٹ زوران ءَ ملک ءِ13 می صدر گچین بوتگ انت۔ صدر مملکت ءِ ھاترا تحریک انصاف ءِ ڈاکٹرعارف علوی، پیپلزپارٹی ءِ اعتزاز احسن ءُْ 4 اپوزیشن گل (پاکستان مسلم لیگ (ن)، عوامی نیشنل پارٹی، متحدہ مجلس عمل ءُْ پشتونخوا ملی عوامی پارٹی) ءِ ہواریں امیدوار مولانا فضل الرحمان ءِ نیام ءَ مقابلہ اَت۔تحریک انصاف ءُُ اتحادی گلانی صدارتی امیتوار ڈاکٹر عارف علوی ءَ قومی اسمبلی ءُُ سینیٹ چہ 212 ووٹ زراتگ ات وھدیکہ مسلم لیگ (ن) ءُُ4اپوزیشن گلانی امیتوار مولانا فضل الرحمان ءَ 131ووٹ زوران ءَ دومی ءُُ پاکستان پیپلز پارٹی ءِ امیتوار اعتزاز احسن 81 ووٹ زوران ءَ سیمی نمبر ءَ اتکگ ات، مچ 430 ووٹ کاسٹ کنگ بوتگ ات ایشی ءِ تہ 6ووٹ رد بوتگ ات۔ مزن وزیر عمران خان، بنجاہی اسمبلی ءِ تہ قائد حزب اختلاف میاں شہباز شریف، چیئرمین سینیٹ صادق سنجرانی، پیسریگیں صدر آصف علی زرداری، پیپلز پارٹی ءِ چیئرمین بلاول بھٹو زرداری، تحریک انصافءِ صدارتی امیدوار ڈاکٹر عارف علوی، بلوچستان نیشنل پارٹی ءِ سروک اختر مینگل، پیسریگیں قائد حزب اختلاف سید خورشید احمد شاہ، پیسریگیں مزن وزیرراجہ پرویز اشرف، سینیٹ ءِ تہ قائد حزب اختلاف راجہ ظفر الحق، سینیٹ ءِ تہ قائد ایوان شبلی فراز، قومی اسمبلی ءِ تہ ایم ایم اے ءِ پارلیمانی لیڈر مولانا عبدالواسع، سینیٹر مولانا عطاء الرحمان، جی ڈی اے ءِ پارلیمانی لیڈر ڈاکٹر فہمیدہ مرزا، ڈنی کارانی بنجاہی وزیر شاہ محمود قریشی، ھالرسانکی ءِ بنجاہی وزیر فواد چوہدری،پیسریگیں سر وزیر کے پی کے امیر حیدر خان ہوتی ءِ ھوار دگہ ھاسیں راھشوناں ووٹ کاسٹ کتگ۔ پریزائیڈنگ آفیسر انور کاسیءَ ایجنٹ آنی دیما ووٹانی ھساب ءُُ کتاب کنگ ءِ پدا آسرءِ جار جتگ۔اے درگت ءَ تحریک انصاف ءِ باسکاں دڈیسک جنان ءَ سوبمندءِ امیتوار ءَ را مرادباتی داتگ۔
