پاک فوج ءِ سروک جنرل قمر جاوید باجوہ ءِ پاگواجہی ءَ کور کمانڈر کانفرنس ، آپریشن ردالفسادءِ سرا دیمروئی ءِ سرا چار ءُُ تپاس گپتگ ، آئی ایس پی آر

راولپنڈی ۔ 4 ستمبر (اے پی پی)پاک فوج ءِ سروک جنرل قمر جاوید باجوہ ءِ پاگواجہی ءَ کور کمانڈر کانفرنس ( سی سی سی )سئے شمبے ءَ جنرل ہیڈ کوارٹر راولپنڈی ءِ تہ برجم بوتگ ایشی ءِ تہ آپریشن ردالفساد ءِ باروا دیمروئی ءِ چار ءُُ تپاس کنگ بوتگ۔پاک فوجءِ لس سیادیانی تک (آئی ایس پی آر) ءِ گوشگ کہ ردا جنرل قمر جاوید باجوہ ءِ سروکی ءَ کورکمانڈرز کانفرنس ءِ تہ آپریشن ردالفساد ءِ باروا چار ءُُ تپاس کنگ بوتگ وھدیکہ دمگ ءِ دیمپانی جاورھال ءِ سرا ھم چار ءُُ بچار کنگ بوتگ۔آرمی چیف ءَ یوم دفاع ءُُ شہداءِ درگت ءَ شہیداں ءَ را ساڑا پیش کتگ۔ جنرل قمر جاوید باجوہ ءَ فیلڈ فارمیشنز ءَ راشہدا ءِ کہولانی کر ءَ آہانی دمگاں سربوھگ ءِ کڈنی داتگ ءُُ گوشت کہ شہید ھاندانانی ماتیں وتن ءِ ھاترا ہزمت ءَ را ساڑاتگ۔