بنجاہی وزیر ھالرسانکی ءُُ شنگکاری ءَ ’’پلانٹ فار پاکستان‘‘ جنز ءِ درگت ءَ پی ٹی وی ہیڈ کوارٹرز ءِ تہ درشک جتگ

اسلام آباد ۔ 2 ستمبر (اے پی پی) بنجاہی وزیر ھالرسانکی ءُُ شنگکاری چوہدری فواد حسین ءَ یک شمبے ءَ ’’پلانٹ فار پاکستان‘‘جنز ءِ درگت ءَ پی ٹی وی ہیڈ کوارٹرزءِ تہ درشک جتگ۔اے ساعت ءَ میڈیا ءِ گوما گپ ءُُ تران کنان ءَ ھالرسانکی ءِ وزیر ءَِ گوشت کہ پاکستان ہمہ ملکاں پج انت کہ اُودا جھنگءَ را باز تاوان رستگ، مئے کِر ءَ درشک باز کم بوتگ انت۔آہاں گوشت کہ پاکستان تحریک انصاف ءَ خیبرپختونخوا ءِ تہ گوستگیں 5سالءِ تہ بلین ٹری سونامی منصوبگ بناء کتگ ات ءُُ اے منصوبگ ءِ ردا یک ارب درشک جتگ ات۔انوں مارءَ آوکیں پنچ سال ءِ تہ 10ارب درشک جنئگ ءِ ٹارگٹ انت۔مزن وزیر ءِ ماحولیات ءُُ درشک آنی ھوالہ ءَ گوں وژن باز پدر انت، پاکستانءِ تہ کجام ھم سیاسی گلی یا سیاستدان چاگرد ءِ گپ نہ جنئگ انت، تحریک انصافءِ منشور ھم چاگرد ءِ سرپدی ءِ ھوالہ ءَ باز پدر انت۔آہاں گوشت کہ مزن وزیر عمران خان ءَ ہری پور ءِ تہ 10ارب درشک جنئگ ءِ باقاعدہ بنگیجی کتگ،مروچیگیں روچ ءَ سرجمیں ملک ءَ 15لکھ درشک جنئگ بنت، درشک جنئگ چہ 5سال ءِ پدا پاکستان ءِ ماحول باز جوان بیت۔آہاں گوشت کہ جنز ءَ ایوکا حکومت نہ بلکہ سکولانی زھگ،تمنی مردم ءُُ مھلوک ھم پج انت۔ایشی ءَ چہ پیسر ءَ ھالرسانکی ءِ بنجاہی وزیر ءَ ملک ءِ سلامتی ءُُ وشھالی ءُُ دیمروئی ءِ ھاترا دعا ھم کتگ۔