راولپنڈی ۔ 2 ستمبر (اے پی پی) بنجاہی وزیر ریلوے شیخ رشید احمد ءَ راولپنڈی ڈویژن ءِ تہ درشک جنان ءَ راجی شجرکاری جنز ’’پلانٹ فار پاکستان ‘‘ ءِ بنگیجی کتگ۔ راولپنڈی ڈویژن ءِ تہ راجی شجرکاری جنز ءِ بنگیجی ءَ ایکسپریس وے سراکورال چوک گرین بیلٹ سرا 5000چہ گیش درشک جتگ ات۔اے درگت ءَ بنجاہی وزیر ریلوے شیخ رشید احمد ءَ گوشت کہ راجی شجرکاری جنز ءَ را سوبمند جوڈ کنگ ءِ ھاترا دراھیں شہری ءُُ ھاسکر ورناہاں ءَ را وتی کرد پیلو کنگ لوٹ ایت۔آہاں گوشت کہ پاکستان ریلوے ءِ ھپتیں ڈویژنءَ چار چار نرسری جوڈ کنگ بنت۔اے ھوالہ ءَ بنداتی وڈ ءَ جہلم ، ملکوال ءُُ راولپنڈی ءِ تہ جندی شوبگ ءِ کمک ءَ گوں سئے نرسری ءَ را زوت فعال کنگ بیت تنکہ یک ءِ وھد ءَ تاں ریلوے ٹریک دوئیں نیمگا درشک ءَ گوں سبز کنگ بیت۔آہاں گوشت کہ مزن وزیر عمران خان ءِ ویژن ءِ ردا پاکستان ریلوے ءِ گڈی باونڈری ءَ تاں ریل ٹریک ءِ دوئیں نیمگا درشک جنئگ بنت ۔آہاں گوشت کہ پاکستان ریلوے 7ستمبر ءَ مارگلہ ریلوے اسٹیشن چہ شجر کاری جنز بندات کن ایت ۔مراگش ءِ تہ کمشنر راولپنڈی ڈویژن سیف انجم، ڈپٹی کمشنر راولپنڈی ڈاکٹر عمر جہانگیر ، ایڈیشنل کمشنر طارق سلام مروت، ڈی جی پی ایچ اے راولپنڈی سیف انور جپہ ،کنزرویٹر فارسٹ ساؤتھ راولپنڈی شیخ ثاقب محمود ، ڈائیریکٹر لائیو سٹاک ڈاکٹر شاہد سجاد اصغر ، ضلعی افسراں ءُُ لس سیادی داروکیں مردماں بہر زوراتگ۔پی ایچ اے راولپنڈی ءَ ائر پورٹ روڈ، نزد گلزار قائد ءُُ نواز پارک ءِ تہ گرین پوائنٹس ہڈ داتگ ات اودا چہ شہری مپت ءَ درشک ءَ زورت کن انت۔
