اسلام آباد۔ 28 اگست (اے پی پی) ایوان بالا ءِ پاننگانے کہ سپریم کورٹ اٹی ہچ ءُ زالبول اس جج اف، داڑکن ہچ ءُ کوٹہ اس جتا اف، جوڈیشل تقرری میرٹ آ مریک۔ سے شنبے نادے ایوان بالا نا دیوان اٹی وقفہ سوج آتے ٹی سینیٹر ثمینہ سعید نا سوج انا ورندی ٹی کانود نا وزیر ڈاکٹر فروغ نسیم پارے کہ سپریم کورٹ آف پاکستان اٹی ہچ ءُ زالبول اس جج اف، سپریم کورٹ اٹی تعیناتی کن زالبول جوڈیشل آفیسر آتے کن ہچ ءُ کوٹہ اس جتا اف۔ سپریم کورٹ اٹی زالبول جج آتا تعیناتی آ ہچ ءُ پابندی اس اف۔ بڑزکو عدالت آک یعنی ہائی کورٹس یا سپریم کورٹ آتے ٹی تعیناتی بیرہ میرٹ آ مریک، زالبول تون ہچ ءُ زیاتی اس کننگپک، زالبول آتا است بڈی ءِ کننگ انگ ءِ ۔ سلاہکار وزیراعظم ڈاکٹر بابر اعوان پارے کہ ای اسہ بل اس ایسوسٹ کہ سپریم کورٹ تون اوار آئینی عدالت آتیٹی زالبول ہم بایدے مرے۔ دابل ءِ اگہ دُوارہ سجفنگ اٹ اتنگک و اتنگے۔ پارلیمان اٹ اہم عہدہ غاتیا زالبول مسنے، زالبول داسہ فوج اٹی ہم بڑزکو عہدہ غاتیاٹی ءُ۔ فائٹر جہاز آتے ہم بال تننگ ءُ ، بیرہ سپریم کورٹ اٹی زالبول اف، اوفتا ہم بایدے کوٹہ اس مقرر مرے۔ ڈاکٹر فروغ نسیم پارے کہ داڑکن آئین اٹی ترمیم اس اتوئی مریک ، جوڈیشل اپوائٹمنٹس بایدے میرٹ آ مرے۔
