اسلام آباد۔ 28 اگست (اے پی پی) پاکستان تحریک انصاف نا راہشون سینیٹر فیصل جاوید پارینے کہ الس نا پیسہ غاتے الس آ خڑچ کننگک، تحریک انصاف نا وزیر آک، وزیراعلیٰ بیدس پروٹوکول آن کاریم کیرہ۔ سے شنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ وزیراعظم عمران خان نا وژن نا رداٹ الس نا پیسہ غاتے الس آ خڑچ کننگک۔ مستین اٹی الس نا پیسہ غاتے حکمران تا محل جوڑ کننگ آ خڑچ کننگا، حکومت مستین اٹی الس نا پیسہ غاتے اٹ تینا محل آتے جوڑ کروک آتے پاش کیک، و اوفتیان قومی دولت ءِ پدی ہلنگک۔ سینیٹر فیصل جاوید پارے کہ مستین نا حکومت آک میٹروبس نا بھلو صفت اس کریر ولے دا بس سروس نسخان اٹی ہِننگ ءِ و مچ آ بھاریم الس آ تمنگ ءِ۔
