اسلام آباد۔03مئی ( اے پی پی ) پاکستان ءَ ھوار سرجمیں دگنیا ءِ بازیں ملک آں معراج ءِ شپ چار شمبے ءُ پنچ شمبے ءِ درنیامی شپ ءَ بیت ، ایشرا شرپ ءُ عقیدت ءِ گوما گوازینگ بیت۔ معراج ءِ شپ ءَ دریں نبی حضرت محمد ؐ ءَ حضرت جبرائیل ءِ ھمرائی ءَ پیسر ءَ اقصیٰ ءِ مسیت ءُ پدا اِد ءَ چہ تاں آزمانی سفر کتگ۔ اے سفر ءِ تہا آئی ءِ گند ءُ نند بازیں نبی ءُ بازیں پیغمبر آں گوں بوتگ ءُ آئی ءَ را بھشت ءُ دوزاھ ءِ ندارگ پیش دارگ بوتگ اَنت۔ آئیءَ تاں عرش الہٰی ءَ سفر کتگ ءُ خالق کائنات ءِ سک باز نزیکی ءَ چہ سرفراز بوتگ۔ اے شپ ءَ مسلمان آنی سرءَ پنچ وھدءِ نماز ءُ روچگ فرض کنگ بوتگ اَنت، اے مبارکیں موھ ءَ مسیتءُ لوگاں توحید ءِ فرزند عبادت ءِ ھاسیں بندوبست ءَ کن اَنت۔ عالم اسلام ءَ اللہ تعالیٰ ءَ چہ وتی گناھانی پھئلیءِ لوٹگ ءِ شپ ءِ ارزشت ءَ اے شپ ءَ را سک باز فضیلت اَست۔
