بیجنگ ۔ 16 اگست (اے پی پی) چیئرمین سینیٹ محمد صادق سنجرانی 9 باسکی ڈلے گوما پنچ روچیں تروتاب ءَ چین ءَ سر بوتگ ات ۔پنچ شمبے ءَ سینیٹ سیکرٹریٹ چہ جاڑی بوتگیں بیان ءِ ردا تروتاب ءِ مکسد چین ءِ گوما پارلیمانی کمک ءَ گیش مھکم کنگ ءُُ کثیرالجہتی رہوت ءَ ودکی دیئگ ءَ ھوار زرکاری ءُُ بیئپاری سیادی ءِ ھاترا نوکیں راھ پچ کنگی انت،تروتاب ءِ دعوت چین ءِ نیمگا چہ دیئگ بوتگ ات۔ بیانءِ ردا چیئرمین سینیٹ محمد صادق سنجرانیءَ گوشت کہ پاکستان چین ءِ گوما دوستی ءِ راجدپتری ءُُ لازوال رھوت ءَ را شرپ ءِ چماں چارگ انت،تروتاب چہ وت مہ وتی کمک ءَ را باز گہبودی رسیت۔آہاں گوشت کہ پاکستان ءُُ چین ءِ مہلوک ءِ دل ھواری انت۔ڈل وتی اے تروتاب ءِ ساعت ءَ چین ءِ ڈنی کارانی کارگِس ،این پی سی ءِ چیئرمین،سی پی پی سیءِ راھشونءِ سروکاں ءُُ دگراں گوں گند ءُُ نند ءِ ابید لہتیں کمپنیاں ءُُ بیوپاری تکءِ کماشاں گوں گند ءُُ نندءَ کن ایت۔تنکہ دوئیں ملکانی میان ءَ زرکاری ءُُ بیوپاری رھوت گیش بنت۔صادق سنجرانیءِ چیئرمین سینیٹ ءِ بستار ءَ چین ءِ اولی تروتاب انت۔ڈلے تہ سینیٹرز نزہت صادق، ستارہ ایاز، محمد اکرم، دلاور خان، کودہ بابر، اعظم خان سواتی، بیرسٹرمحمد علی خان سیف، مرزا محمد آفریدی ءُُ سیکرٹری سینیٹ امجد پرویز ھوار انت۔(ن۔ا۔ج)
