واشنگٹن ۔ 10 اگست (اے پی پی) امریکہ نا کیہی شار تیٹی پیش بروک آ سم کاری نا تازہ انگا واقعہ غاتیٹی کم از کم 16 بندغ تپاخت کریر ۔ سم کاری نا حساب وکتاب ءِ جمع کروک آ امریکی بنجاء گن وائیلنس آرکائیو نارداٹ گدرینگوک آ 24 گھنٹہ ٹی ملک انا کیہی ریاست آتیٹی سم کاری نا 43 واقعہ ریکارڈ کننگا ۔ سم کاری نا داواقعہ غاتیٹی کم از کم 16 بندغ تپاخت و 23 ٹھپی مسنو ۔ رپورٹ اٹی پاننگانے کہ سم کاری نا زیات تر واقعہ کیلی فورنیا وجارجیا ٹی پیش بس ۔ یات سلے کہ امریکہ ٹی سم کاری نا واقعہ غاتیٹی سالانہ کیہی ہزار بندغ تپاخت و ٹھپی مریرہ ۔
