اسلام آباد۔ 03جنوری (اے پی پی) شیخوپورہ ٹی کار و مسافر ویگن اسے نا ڈوک لگنگ آن پد ویگن نا سلنڈر نا ترخنگ اٹی 7 بندغ تپاخت وخت اس کہ 20ٹھپی مسر ۔ نجی ٹی وی نا رداٹ شیخو پورہ نا نواحی علقہ سالار سعید اٹی سرگودھا روڈ آ ایلو کنڈآن بروک آ ترند رفتار کارمسافر ویگن اتون ڈوک لگا اوکان گڈ ہڑتوم آ گاڈی تیٹی خاخر لگا و ویگن نا سلنڈر دھماکہ اٹ ترخا، شکست نا نتیجہ ٹی 7 بندغ تپاخت کریر وخت اس کہ 20ٹھپی مسر۔ ریسکیو کمامدارآتارداٹ ٹھپی و تپاخت کروک آ بندغ آتا لاش تے دمدستی وڑاٹ خڑک انا ہسپتال آ گدریفنگانے ہراڑے گڑاس ٹھپی تا حالیت نازرک پاننگ انگ ئِ ہرانا سوب تپاخت آتا ودکی نا گڑتی ظاہر کننگانے۔ تپاخت کروک آتیٹی ماجد ولد لطیف، حلیمہ بی بی وخت اس کہ ٹھپی مروک آتیٹی اسہ ہی خاہوت نا 6 بندغ شائستہ زوجہ اشتیاق، انس، ادریس، مہک ، اشتیاق ، ثناءزوجہ غلام مصطفی ، محمد فیضان ولد غلام مصطفی و ایلو مسافر آک اوار ئُ۔
