اسلام آباد۔26جون (اے پی پی): مزن وزیر محمد شہباز شریف ءَ پنچ شمبے ءِ روچ ءَ قومی اسمبلی ءِ دیوان ءَ شریک بوتگ ءُ ایوان ءِ تہ دزگٹیں روچ گوازینتگ، وزیر ءُ قومی اسمبلی ءِ باسک آں گوں گند ءُ نند کتگ۔ سیشن ءِ تہا آئی ءِ آیگ ءَ گوں باسکاں ڈیسک ٹپ اتگ ءُ آئی ءَ را وش اتک کتگ۔ مزن وزیر ءَ ایوان ءَ بلاول بھٹو زرداری ءِ گوما دوت ءُ دراھ کت۔ مسلم لیگ ءِ باسک آئی ءِ نندگ جاہ ءَ شت انت ءُ مزن وزیر ءَ گوں گند ءُ نند کت۔ ایوان ءَ ساڑی بوتگیں زالبولیں باسک آنی تہ ءَ گیشتریں بہر ءَ مزن وزیر ءَ گوں گند ءُ نند کت۔ اویس لغاری، خالد مقبول صدیقی ، ڈاکٹر طارق فضل چوہدری، اعظم نظیر تارڑ، رانا تنویر حسین، دانیال چوہدری، ایم کیو ایم ءِ باسکاں ھم مزن وزیر ءَ گوں گند ءُ نند کتگ۔ مزن وزیر ءَ گوں پیپلز پارٹی ءُ مسلم لیگ ن ءِ مانرٹی باسک، اپوزیشن باسک حمید حسین ءَ ھم گند ءُ نند کت۔ پیپلز پارٹی ءِ باسک شگفتہ جمانی ءُ شاہدہ رحمانی ءَ ھم گند ءُ نند کت۔
