اسلام آباد۔26جون (اے پی پی):بنجاھی تہی کار ءُ منشیات ءِ گر ءُ دار ءِ بنجاھی وزیر محسن نقوی ءَ گوشت کہ منشیات ءِ کارمرد کنگ ءِ گیش بوھوکیں ھترہ ھمک چاگرد ءِ واستہ چیلنج جوڑ بوتگ۔ پاکستان ءَ راجی اینٹی نارکوٹکس پالیشی ءِ چیر دستی ءَ منشیات ءِ کارمردی ءُ بہا کنگ ءِ ھلاپ ءَ سرجمیں گامگیج چست کتگ ءُ اے رد ءَ اے این ایف ءِ کرد ستا کرز اِیت۔ دنیا ءَ را یکجائی گامگیج آنی وسیلگ ءَ منشیات ءِ کارمردی ءَ را بند کنگ لوٹ ایت۔ پنچ شمبے ءِ روچ ءَ منشیات ءِ کارمردی ءُ ناجائزیں سوداگری ءِ ھلاپ ءَ میاں اوستمانی روچ ءِ درگت ءَ وتی گشتانک ءِ تہ ءَ وزیر ءِ تہی کار ءَ گوشت کہ منشیات ءِ کارمردی ءِ گیش بوھوکیں ھوپ ھمک چاگرد ءِ واستہ چیلنج ءِ جوڑ بوتگ۔ دنیا ءَ را یکجائی گامگیج آنی وسیلگ ءَ منشیات ءِ کارمردی ءَ را بند کنگ لوٹ ایت۔ پاکستان اے جنگ ءَ گوں دگنیا ءَ شانک ماں شانک اوشتاتگ۔ آئی ءَ گوشت کہ پاکستان ءَ راجی اینٹی نارکوٹکس ایکٹ ءِ چیر دستی ءَ منشیات ءِ کارمردی ءُ بہا کنگ ءِ ھلاپ ءَ سرجمیں گامگیج چست کتگ ءُ اے رد ءَ اے این ایف ءِ کرد ستا کرز انت۔ اے این ایف ءِ افسر ءُ مرداں منشیات ءَ چہ پاکیں چاگرد ءِ جہد ءَ وتی جان ندر کتگ انت۔ ما اے این ایف ءِ شہیدانی مزنیں قربانی ءَ را یات کناں۔ وزیر ءِ تہی کار ءَ گوشت کہ توامیں شھید آناں راج سلام اِنت کہ ایشاں اے جنگ وتی ھوناں گوں کتگ، اے جزم مئے اجتماعی طاقت ءِ نشان اِنت۔ محسن نقوی ءَ گوشت کہ منشیات ءِ کارمردی ءُ اسمگلنگ ءِ حلاف ءَ جنگ ءَ سوبمند بوھگ ءِ واستہ ھمک مردم ءَ را اے گپ ءِ کش ءُ گور ءَ کار کنگی انت۔ نشہ ءَ چہ پاکیں چاگرد نوکیں پدریچ ءِ ھک اِنت ءُ ما ھمے ھک ءَ چہ زندگ بئیں ۔ منشیات فروش انسانیت ءُ نوکیں نسل ءِ بدترین دژمن انت۔ مئے یک راجی عزمے است کہ اے وڑیں عناصراں مثال جوڑ بہ کنیں۔ وزیر تہی کار ءَ گوشت کہ ما یک جان سلامتی ءِ چاگرد ءِ جوڑیشت ءِ واستہ منشیات ءِ کارمردی ءُ سمگلنگ ءِ ھلاپ ءَ وتی کوشست آناں گیش مھکم کنگ ءِ وتی جزم ءَ را پدا پدر بہ کن ایں ۔
