اسلام آباد۔26جون (اے پی پی): ریلوے ءِ بنجاھی وزیر حنیف عباسی ءَ گوشت کہ ریلوے ءِ آمدنی ءَ وتی 77سالی راجدپتر ءِ تہ ءَ اولی رند ءَ گیشی بوتگ، ءُ آیوکیں روچ آنی تہ ءَ 110ارب کلدار ءِ ٹارگٹ سرجم کنگ بیت، ءُ پاکستان ریلوے ءِ واستہ زرین دور بندات بیت۔ اے ھیالانی درشانی آئی ءَ پنچ شمبے ءِ روچ ءَ الائیڈ بینک لمیٹڈ ءِ گوما مفاہمت نامہ ءِ سر ءَ دستخط کنگ ءِ مراگش ءَ گوں تران کنان ءَ کت۔ آئی ءَ گوشت کہ اے معاہدے ءَ چہ پد ریلوے ءِ آمدنی گیش بیت، 348 اسٹیشن الائیڈ بینک ءِ دست ءَ دیگ بوھگ ءَ انت، ءُ اے کار 60 روچ ءَ سرجم ءُ بندات کنگ بیت۔ حنیف عباسی ءَ گوشت کہ ریلوے ءِ نظام ءَ را نوکیں رنگ ءَ جوڑ کنگ بوھگ ءَ انت۔ آئی ءَ گوشت کہ 19جولائی ءَ مزن وزیر محمد شہباز شریف جدید بزنس اپلفتڈ ٹرین ءِ بنگیج ءَ کنت، اے ٹرین لاہور ءَ چہ کراچی ءَ روگ ءَ انت۔ ما اے وسیلگاں گوں ریلوے ءَ را منافع بخش ادارگ جوڑ کن ایں ۔
