اسلام آباد۔26جون (اے پی پی): پارلیمانی کارانی بنجاھی وزیر طارق فضل چوہدری ءُ راجی اسمبلی ءِ باسک راجہ خرم شہزاد نواز ءُ انجم عقیل خان ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ دیوان ءَ بھر زوروکاں مزن وزیر ءَ را آیوکیں سال ءِ راج دوستیں بجٹ ءَ را راجی اسمبلی ءَ پیش کنگ ءِ سر ءَ مبارک بات دات ءُ ایشی ءِ منظوری ءِ واستہ سرجمیں کمک ءِ درشان کت۔ گند ءُ نند ءَ اسلام آباد ءَ برجمیں دیمروئی منصوبگ آنی تہ ءَ برجاھیں منصوبگ آنی سر ءَ ھیال ریچی کنگ بوت۔ گند ءُ نند ءِ تہ ءَ سیادی داروکیں حلقہ آنی جیڈھ آنی سر ءَ ھم گپ ءُ تران بوتگ ۔ گند ءُ نند ءِ ساھت ءَ پارلیمانی کارانی وزیر یونٹ رانا مبشر اقبال، وزیر ءِ مملکت بجلی عبدالرحمن کانجو ءُ ھاسیں کمکار طلحہ برکی ھم ساڑی ات۔
