اسلام آباد۔ 03جنوری (اے پی پی) گلگت بلتستان کانود ساز اسمبلی نا ڈپٹی اسپیکر جعفراللہ خان پارینے کہ پاک چین اقتصادی راہداری ڈٹ آن گلگت بلتستان تون اوار مچ آ ڈیہہ ٹی معاشی بدلی بریک۔ احوالکار آتارداٹ گلگت بلتستان کانود ساز اسمبلی نا ڈپٹی اسپیکر پارینے کہ اقتصادی راہداری کن چین ناجوائنٹ رابطہ کمیٹی نا دیوان اٹی گلگت بلتستان و پاکستان کن کیہی پاور پروجیکٹ آتا منظوری تننگانے ہراڑآن توانائی نا کاختی نا مون ئِ توننگ اٹی کمک رسینگک۔ اوپارے کہ اقتصادی زون آ کاریم ترندی اٹ برجائِ و داڈٹ آن ورناتے کن روزگار نا وارخواہی ودی مریک ۔ جعفراللہ خان پارے کہ پاک چین اقتصادی راہداری ڈٹ آن گلگت بلتستان تون اوار مچ آ ڈیہہ ٹی شونہالی نا دور بناءکیک و معاشی بدلی بریک۔
