اسلام آباد۔ 03جنوری (اے پی پی) قطبی وزیرستان نا 12سد خاہوت بروک آ 9دے تیٹی اُراتیا تینا پدی کارہ۔ فاٹا کمامدارآتارداٹ قطبی وزیرستان ایجنسی نا تحصیل میر علی نا عارضی وڑاٹ بے اُرا بندغ آتا اُراتیا پدی ہِننگ نا چرجوئی تدوک آ دے آن دُوارہ بناءکننگانے و بروک آ 9دے تیٹی پین 12سد خاہوت تینا اُراتیا کارہ۔ یات سلے کہ داوخت اسکان قطبی وزیرستان ایجنسی نا عارضی وڑاٹ بے اُرا بندغ آتیان 64ہزار خاہوت تینا اُراتیا ہنانو۔ کمامدارآتارداٹ اُراتیا پدی ہنوک آ ہرخاہوت ئِ شش توانا راشن و 35ہزار روپئی تننگ انگ ئِ۔
