ایس پی انویسٹی گیشن نا جندی حیثیت اٹی طلبی، وزارت داخلہ و آئی جی پولیس آن ورندی طلب
اسلام آباد۔ 03جنوری (اے پی پی) اسلام آباد ہائی کورٹ آئی ٹی ایکسپرٹ ساجدمحمود نا مبینہ برمتہ نا بابت دائر درخواست آ وزارت داخلہ و آئی جی پولیس آن ورندی طلب کرسا سماعت ئِ 13جنوری اسکان ملتوی کرے۔ سے شنبے آ عدالت عالیہ نا جسٹس اطہر من اللہ مغوی نا اُرائی ماہرہ ساجد نا کنڈآن دائر درخواست نا سماعت ، داوخت آ عدالت پولیس تون استفسار کرے کہ داوخت اسکان دابابت انت جاست پاست مسنے۔ فاضل جج ریمارکس تس کہ انویسٹی گیشن اٹی لیت و لعل اٹ کاریم ہلنگپ ورنہ سائلہ ئِ ماہانہ خڑچہ تروئی تمک۔عدالت ایس پی انویسٹی گیشن ئِ ہم جندی حیثیت اٹ بٹنگسا سماعت ئِ 13جنوری اسکان ملتوی کرے۔
