لندن ۔ 28جولائی (اے پی پی) برطانیہ ءِ حکومت ءَ لس گچینکاری ءِ سوبمندیں برجمینگ ءِ سرا پاکستانی ءُُ ایشی ءِ راج ءَ را مراد باتی داتگءُُ پاکستان ءِ نوکیں گچین بنجاہی ءُُ صوبائی حکومت ءِ گوما کار ءُُ کمک کنگ ءِ جزم درشان کتگ۔ برطانیہ ءِ وزارت خارجہ ءُُ دولت مشترکہءِ کارگِس ءِ نیمگا چہ جاڑی بیان ءِ ردا برطانوی وزیر خارجہ جریمی ہنٹ ءَ پاکستان ءِ گچینکاری ءِ باروا یک بیان ءِ تہ 25جولائی ءَ گچینکاری ءِ کروڑاں ووٹرءَ را مراد باتی داتگ۔آہاں گوشت کہ پاکستان ءِ راج ءَ وتی جزم ءِ درشان کتگ کہ آں جمہوری عمل ءَ را ھلاس کنوکیں ناشرکارانی دیما پروشت نہ ورانت۔برطانوی وزیر خارجہءَ انوکگیں اُرشانی تہ بیران بیوکیں مردمانی کہول ءِ گوما دلی دلپدردی ءِ درشان ھم کتگ۔ برطانوی وزیر خارجہ ءَ میاں اوستمانی مبصرانی پاکستانی گچینکاری ءِ باروا بنداتی رپورٹ ءُُ آسر ءِ ھیر مقدم کتگ۔ برطانوی فارن سیکرٹری جریمی ہنٹءَ گوشت کہ برطانیہ پاکستانی راج ءِ باندات ءَ را وشھال،سوگو ءُُ جمہوری جوڈ کنگ ءَ کمک کن ایت۔
