اسلام آباد۔ 02جنوری (اے پی پی) کندھ کوٹ اٹی 2بس و کاراسے نا ڈوک لگنگ اٹی 6بندغ تپاخت و 22ٹھپی مسنو ۔ نجی ٹی وی تون ہیت وگپ کرسا ڈپٹی کمشنر کشمور حفیظ الرحمان پارے کہ کندھ کوٹ اٹی گوتلو نا سوب بائی پاس آ کراچی آن ڈیرہ غازی خان وخت اس کہ کوہاٹ آن کراچی آ بروک آ اِرا مسافر بس و اسہ کار اس اسہ ایلو تون ڈوک لگار ہراٹی 6مسافر موقع غا تپاخت کریر وخت اس کہ 22ٹھپی مسر۔ پولیس نارداٹ تپاخت کروک آتیٹی 2نیاڑی ہم اوار ئِ۔ تپاخت کروک آ بندغ آتا لاش و ٹھپی تے سول ہسپتال کندھ کوٹ آ گدریفنگانے ہراڑے 4بندغ نا حالیت نازرک پاننگک ہرانا سوب تپاخت کروک آتیٹی ودکی نا خلیس ئِ۔
