ڈی آئی خان ۔22 جولائی (اے پی پی)پیسریگیں صوبائی وزیر کشت ءُُ کشار خیبر پختونخواہ ءُُ صوبائی اسمبلی ءِ حلقہ پی کے9ءَ چہ تحریک انصاف ءِ امیت وار سردار اکرام خان گنڈا پور ءِ گاڑیءِ سرا وت کُش اُرش ءِ آسر ءَ سردار اکرام ءِ ھوار شش مردم ٹپی بوتگ ات۔ ڈسٹرکٹ پولیس آفیسر (ڈی پی او ) ظہوربابرآفریدیءِ گوشگ ءِ ردا تحصیل کلاچی چہ صوبائی نشست ءِ ھاترا تحریک انصاف ءِ نام گپتیں امیتوار سردار اکرام اللہ خان گنڈاپور الیکشن جنز ءِ درگت ءَ یک شمبے ءَ کارنر میٹنگ ءِ تہ شریداری ءِ ھاترا روگ ات کہ راھ ءَ وت کُش اُرش کارءَ ایشی ءِ گاڈی ءِ نزیک ءَ وتارا تراک ءَ گوں تراکتگ ایشی ءِ آسر ءَ سرداراکرام اللہ گنڈاپورءِ ھوار6 مردم ٹپی بوتگ ات۔ٹپیگ آنی تہ آہانی ڈرائیورمحمدرمضان ءُُ سئے گن مین دلنواز،الیاس،عبدالرزاق ءُُ یک راہگیرسیف الرحمن ھوار ات۔وئیل ءِ پدا کمکی ٹیمب ءَ ٹپیگ ءَ را سی ایم ایچ ڈی آئی خان ءَ دیم داتگ وھدیکہ سکیورٹی فورسزءَ دمگ ءِ ناکہ بندی کتگ ءُُ سرچ آپریشن بناء کتگ۔
