اسلام آباد ۔ 22 جولائی (اے پی پی) 25جولائی ءَ بیوکیں لس گچینکاری ءِ ھاترا گچینکاری جنز دوشمبے ءُُ سئے شمبے ءِ میانی شپ ءَ ھلاس بیت۔ امیتوار ان ءُُ سیاسی گلان گچینکاری جنز ءِ ھاترا 23روچ دیئگ بوتگ ات،ہمہ کہ گوستگیں گچینکاری ءِ مقابلہ ءَ گیش انت۔ الیکشن کمیشنءَ گچینکاری ءِ تہ بہرزوروکیں دراھیں امیتوار ءُُ سیاسی گلاں را پنت ءُُ شون دات کہ آں لس گچینکاری ءِ ساعت ءَ وتی جنز ءَ را23 ءُُ 24 جولائیءِ میانی شپ ءَ ھلاس کن انت۔ انتخابی قانود2017ءِ ردا ایشی ءِ ھلاپ ورزی کنوکیں امیت وار ءُُ گل ءِ سرا یک لکھ کلدار جرمانہ یا دو سال کید یا دوئیں سزا بوت کن انت۔آوکیں لس گچینکاری ءِ ھاترا پولنگ 25 جولائی ءَ بیت وھدیکہ گچینکاری جنز 48کلاک پیسر ءَ ھلاس کنگ المی انت۔ کمیشن ءَ پنت جاڑی کت کہ 23 ءُُ 24 جولائی ءِ میانی شپ ءَ گچینکاری جنز دارگ بنت ایشی ءِ پدا کجام ھم رنگے روانک،مچی،کارنر میٹنگز ءِ سرا بندش بیت۔
