اسلام آباد۔ 19 جولائی (اے پی پی)پاکستان اٹی رہینگوک غیر رجسٹرڈ اوغان باہوٹ آتیان 8لکھ 78 ہزار باہوٹ آتے نادرا نا کمک اٹ رجسٹرڈ کننگانے ہرافتیان 3لکھ 25ہزار ءِ اوغان نیشنلٹی کارڈ جاری کننگانے۔ وزارت سیفران نا پرمان نامہ نا رداٹ پاکستان اٹی غیر رجسٹرڈ اوغان باہوٹ آتے وزارت سیفران نادرا نا کمک اٹ رجسٹرڈ کرے۔ رجسٹریشن نا مرحلہ ٹی پاکستان اٹی اوغانستان نا سفارت خانہ نا کمامدارآک ہم تینا باتی تا پیدواری ءِ کرسا رجسٹریشن نا عمل اٹ اختہ مسنو۔ کمامدارآتارداٹ نادرا داوخت اسکان مسہ لکھ 25ہزار اوغان باہوٹ آتے اوغان شہریت نا کارڈ جاری کرینے۔ کمامدارآتارداٹ غیر رجسٹرڈ اوغان باہوٹ آتا رجسٹریشن اگست 2017 ء آن فروری 2018ء اسکان برجاسلیس۔ داوخت آ وزارت سیفران میڈیا نا کمک اٹ غیر رجسٹرڈ اوغان باہوٹ آتے رجسٹریشن کرفنگ نا بابت معلومدار کرسا کرینے۔
