زالبول ءُ زھگانی سر ءَ ھرچ رنگ ءَ گیش بوھوکیں زوراکی ءِ ھرابیں جاور ھال ءَ ھم جوانیں رنگے ءَ جنگ کنگ لوٹ ایت، ڈاکٹر طارق علی بقیّت ءَ او آئی سی ءِ وزارتی کانفرنس ءَ گوں تران

اسلام آباد۔13جولائی  (اے پی پی): اسلامی کمک ءِ گل ءِ انسانی کمک، دود ءُ ربیدگی ءُ چاگردی کارانی کمکی سیکرٹری جنرل ڈاکٹر طارق علی بقیّت  ءَ گوشت کہ زالبول ءُ زھگ آنی سر ءَ زوراکی ءِ ھرچ رنگ ءَ گیش بوھگ ءِ ھترناکیں جاور ھال ھاسیں رنگ ءَ لوگی زوراکی ءِ سر ءَ ھم المی اِنت۔ اسلام آباد ءَ بوھوکیں کانفرنس زالبول ءُ زھگ آنی وانگ ءُ زانگ ءِ دیمروئی ءُ مسلم دگنیا ءِ تہ ءَ آوانی رژنائیں آیوکیں باندات ءِ دیمروئی ءِ واستہ یک ھاسیں سنگ میل ءِ ثابت بیت۔ آئی ءَ اے ھیالانی درشانی جمعہ ءِ روچ ءَ اسلامی کمک ءِ گل ءِ زالبولانی ھوالگ ءَ 9می وزارتی دیوان ءَ گوں تران کنان ءَ کت کہ ایشی ءِ بنگپ ” زالبولاں را چاگردی، اقتصادی ءُ سیاسی رنگ ءَ بااختیار کنگ: چیلنج ءُ دیمروئی ءِ راہ“ بوتگ، آئی ءَ وتی گشتانک ءَ گوشت کہ اے بنگپ ءِ تہ ءَ زالبولانی یکجاھیں دیمروئی ءِ رد ءَ نہ اِنت بلے ءُ پائیدار دیمروئی، شمولیت ءِ اقتصادی دیمروئی، چاگردی یکوئی ءُ دائمی امن ءِ رسگ ءِ ھاتر ءَ ناگزیر ءُ اسٹریٹجک ضلورت اِنت۔ آئی ءَ گوشت کہ مرچی زالبول آناں دیم ءَ آؤکیں چیلنج آنی تہ ءَ اقتصادی نابرابری، پیسلہ کنگ ءِ عمل آنی تہ ءَ کم نمائندگی، مالی وسیلگ ءُ اقتصادی موہ آنی تہ ءَ کمیں رسائی، ترندی ءَ گوں بدل بوھوکیں سیاسی جاور ءُ ڈیجیٹل شمولیت ءِ سبب ءَ پیداکیں نوکیں چیلنج ھوار اَنت کہ ایشی ءَ را برجاھیں انسانی بحران آنی سبب ءَ گیش گیش کتگ۔ آئی ءَ گوشت کہ مارا موسمی بدلی، گریبی ءُ زالبول ءُ زھگ آنی سر ءَ وتی ھرچ رنگ ءَ گیش بوھوکیں زوراکی ءِ ھلاپ ءَ ھم جوانیں رنگ ءَ جنگ لوٹ ایت ھاسیں رنگ ءَ ڈیجیٹل زوراکی ءِ ھترناکیں جاور ھال آنی ھلاپ ءَ ھم جوانیں رنگ ءَ جنگ لوٹ ایت۔ آئی ءَ گوشت کہ ما اے کانفرنس ءَ منگ بوھوکیں پیش کرتگیں قرارداد ءِ ھم ستا کن ایں ۔ ایشی ءِ تہ ءَ فلسطین، جموں ءُ کشمیر ءُ اوگانستان ءِ بے لوگ ءُ پناہ گزین زالبول آنی حمایت ءِ درشان کنگ بوتگ، اے قرارداد اسلامی سروک دیوان ءِ کانفرنس، درئی کارانی کونسل ءُ ھمگرنچیں شعبہ جاتی وزارتی کانفرنس آنی نیمگ ءَ چہ منظور کتگیں قرارداد آنی رد ءَ اِنت۔ اے درگت ءَ ”مسلمانیں چاگرداں زھگانی وانگ ءُ زانگ: چیلنج ءُ موہ“ ءِ بنگپ ءِ سر ءَ میان اُستمانی دیوان کہ ادا اسلام آباد ءَ برجم دارگ بوتگ، زالبول ءُ زھگانی وانگ ءُ زانگ ءِ دیمروئی ءُ مسلمانیں دگنیا ءِ تہ ءَ آھانی رژنائیں آیوکیں باندات ءِ دیمروئی ءِ ھاترا یک ھاسیں سنگ میل ءِ ثابت بیت۔