اسپیکر قومی اسمبلی ءَ گتر  ءِ پیسریگیں امیر شیخ حمد بن خلیفہ آل ثانی  ءِ بیرانی ءِ سر ءَ دلپدردی ءُ غم ءِ درشان

اسلام آباد۔13جولائی  (اے پی پی): راجی اسمبلی ءِ اسپیکر سردار ایاز صادق ءَ گتر  ءِ پیسریگیں امیر شیخ حمد بن خلیفہ الثانی ءِ بیرانی ءِ سر ءَ دلپدردی ءُ رنج ءُ گم ءِ درشانی کتگ۔ گتر  ءِ شورا کونسل ءِ اسپیکر حسن بن عبداللہ الغنیم  ءَ را نبشتگیں نمدی ءِ تہ ءَ آئی ءَ گتر  ءِ پیسریگیں امیر ءِ بیرانی ءِ سر ءَ دلپدردی ءِ درشانی کتگ ءُ گوشت کہ شیخ حمد بن خلیفہ الثانی ءِ ھزمت گتر  ءُ امن ءِ دگنیا ءِ مسلمان امت ءِ واستہ مدام یات کنگ بنت۔ شیخ حمد بن خلیفہ الثانی ءِ رھشونی ءَ گتر  ءَ را جھان ءِ پڑ ءَ یک نامداریں جاہ ءِ سر ءَ سر کت۔ اسپیکر ءَ پاکستانی پارلیمنٹ ءُ الس ءِ نیمگ ءَ گتر  ءِ سروکی، شورہ کونسل ءُ الس ءِ گوما دل ءِ جہلانکی ءَ دلپدردی ءِ درشانی کت ءُ گوشت کہ اے غم ءِ ساھت ءَ پاکستانی الس ءُ پارلیمنٹ گتر  ءُ ایشی ءِ الس ءِ سروکی ءَ گوں سرجمیں یکوئی ءِ درشان ءَ کن اَنت۔ آئی ءَ گوشت کہ پاکستان ءُ گتر  ءِ نیام ءَ براتی سیادی وت مہ وتی شرپ ءُ دل یکیمی ءِ بنیات اِنت۔ اسپیکر ءَ اللہ تعالیٰ ءَ چہ دعا کت کہ شیخ حمد بن خلیفہ الثانی ءِ عہدگاں بُرز بہ کنت ءُ آئی ءِ مرگ ءِ صبر ءَ بہ دنت۔