کشمیر شہیدانی روچ مارا 22 مزنیں شہیدانی ابدی قربانیانی یات ءَ دنت کہ آہاں 1931 ءَ راستی، آجوئی ءُ شرپ ءِ ہاترا وتی جان ندر کتگ انت، وفاقی وزیر ڈاکٹر طارق فضل چوہدری

اسلام آباد۔13جولائی  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ کشمیر شہید  آنی روچ مارا 22 مزنیں شہید  آنی ابدی قربانی آنی یات ءَ دنت کہ آھاں 1931 ءَ راستی، آجوئی ءُ شرپ ءِ واستہ وتی جان ندر کتگ اَنت۔ کشمیری راج ءِ وت واجہی ءِ حق ءِ ھاترا جہد کنگ ءَ انت۔ اے ھیالانی درشانی آئی ءَ کشمیر شہید  آنی روچ ءِ درگت ءَ سوشل نیٹ ورکنگ ویب سائیٹ ایکس ءِ سر ءَ یک کلوہ ءِ تہ ءَ کت۔ آئی ءَ گوشت کہ بھارتی ناجائزیں قبضہ ءِ جموں ءُ کشمیر ءَ جاری ظلم ءُ زوراکی، سرکوب، انسانی ھک آنی لگتمالی ءُ کشمیری پجار ءِ مٹ کنگ ءِ ھرچ کوشست جھان ءِ ضمیر ءِ دیم ءَ چیلنج اِنت۔ البت کشمیری راج ءِ جزم انگت ءَ نا ٹُکّر اِنت۔ کشمیر شہید آنی روچ ءِ درگت ءَ ما وتی کشمیری برات ءُ گھار آناں سلام پیش کن ایں ءُ وتی جزم ءِ پدا پدر کن ایں کہ پاکستان ایشانی انصاف ءِ جہد ءِ واستہ ھمک پڑ ءَ وتی سیاسی، سفارتی ءُ اخلاقی کمک ءَ برجاہ دار ایت۔ اللہ تعالیٰ کشمیری شہیدانی اڑاں برز بہ کنت ءُ کشمیری مہلوک ءَ را آجوئی، امن ءُ انصاف ءِ منزل بہ دنت۔