کشمیری شہیداں وت واجہی ءُ آجوئی ءِ حق ءِ ھاتر ءَ ابدی قربانی داتگ کہ آ پہ ابد یات کنگ بیت، محمد حنیف عباسی

اسلام آباد۔13جولائی  (اے پی پی): ریلوے ءِ وفاقی وزیر محمد حنیف عباسی ءَ 1931ءِ شہیداں ہوار کشمیر ءِ توامیں شہید آناں خراج تحسین پیش کنان ءَ گوشت کہ آہانی قربانی کشمیری آجوئی ءِ تحریک ءِ بُن ھشت انت ءُ کشمی راج ءِ جزم ءُ دلیری ءِ علامت انت۔ وفاقی وزیر ءَ کشمیری شہید آنی روچ ءِ درگت ءَ وتی گشتانک ءِ تہ ءَ گوشت کہ کشمیری شہید  آناں وت واجئی ءُ آجوئی ءِ ھک ءِ واستہ ابدمانیں قربانی داتگ، ایشاں دائم ءَ یات کنگ بیت۔ آئی ءَ گوشت کہ پاکستان ھمک پڑ ءَ کشمیری راج ءِ وت واجئی ءِ جائزیں ھک ءِ واستہ سیاسی، سفارتی ءُ اخلاقی کمک ءَ برجاہ دار ایت۔ محمد حنف عباسی ءَ بھارت ءَ را زور پر دات کہ آ مقبوضہ جموں ءُ کشمیر ءَ انسانی ھک آنی مزنیں لگتمالی ءَ را زوت بند بہ کنت۔ کشمیری شہیدانی ہون بیکار نہ رونت ءُ آجوئی ءِ جہد المی ءَ وتی منطقی آسر ءَ سر بیت۔ ریلوے ءِ وفاقی وزیر ءَ گوشت کہ کشمیری شہید آنی روچ مارا ھک ءِ واستہ قربانی، محکمی ءُ مھکمی ءِ سبق ءَ سکین دنت، وھدیکہ پاکستان کشمیری الس ءِ گوما بے دروریں یکوئی ءَ برجم دار ایت۔