اسلام آباد۔ 18 جولائی (اے پی پی)بُنجاھی وزیر اھوالکاری ءُُ شنگ کاری ، کانود ءُُ انساپ ءُُ پارلیمانی کار بیرسٹر سیدّ علی ظفر ءَ گوشت کہ فاٹا ءِ ھوار کنگ ءَ چہ پیسر بُنجاھی ٹیکسز آنی جاور ھال آناں برجا دارگ بوت، بُنجاھی کابینہ ءَ توامیں رنگ ءِ بُنجاھی ٹیکسز آں چہ چوٹ ءِ منظوری داتگ۔ آیوکیں لستیں روچ آنی تہ ءَ فاٹا ءِ واستہ لیگل فریم ورک ءِ بابت ءَ بُنجاھی ءُُ صوبائی کمیٹی آں گوں تپاکی رائی ءَ چہ تیار بوھوکیں آرڈیننس جاڑی بنت، محمد نواز شریف ءَ ھوار توامیں بندیگ آناں منوئل ءِ رد ءَ آسراتی پُجاری کنگ بہ بیت، آئین ءِ آرٹیکل 10اے ءِ چیر دستی ءَ سرپانک حکومت ءَ محمد نواز شریف ءِ دو ریفرنسز آنی گوشداری پچیں آمید گس ءَ کنگ ءِ منظوری داتگ، اگاں کجام ھم وھد ءَ وزارت ءِ توکی کار سیکورٹی ءِ مول ءُُ مراد ءَ ٹرائل کورٹ ءِ جاھ مٹ کنگ لوٹ ایت گڈا آ حکومت ءَ گوں رابطہ کت کنت، بُنجاھی کابینہ ءَ ایف اے ٹی ایف ءِ ھوالگ ءَ جتا جتائیں پالیشی پیسلہ کتگ اَنت، اگاں نگران حکومت اے رد ءَ پیسلہ مہ کنت گڈا ایف اے ٹی ایف پاکستان ءَ را بلیک لسٹ کنت انت، ڈالر ءِ نیاد ءِ تہءَ یک شل ءَ گیشی بوتگ، پیمرا ءَ را آزات ریگولیٹری ادارگ جوڑ کتگ، آ چار شمبے ءَ بُنجاھی کابینہ ءِ دیوان ءَ چہ پد پی اائی ڈی ءَ میڈیا ءَ بریفنگ دیگ ءَ اَت۔ سینیٹر عطا محمد، سینیٹر حبیب اللہ سینیٹر خانزادہ خان، سینیٹر میاں عتیق ءُُ ایندگہ اے موہ ءِ سر ءَ ساڑی اتنت۔ آئی ءَ گوشت کہ بُنجاھی کابینہ ءَ پیسریگیں فاٹا/پاٹا ءِ دمگ ءَ بنگیجی رنگ ءَ سئے ماہ ءِ واستہ بُنجاھی ٹیکس آں چہ چوٹ ءِ منظوری داتگ، فاٹا ءُُ پاٹا ءِ شہری آنی واستہ انکم ٹیکس، سیلز ٹیکس، مینو فیکچرنگ ٹیکس ءَ ھوار بُنجاھ ءِ نیمگ ءَ کجاھم نیمگ ءَ کجام وڑیں ٹیکس نہ جتگ چیا کہ فاٹا ءِ ھواری ءِ وھد ءَ ایشی ءَ چہ پیسر ھم فاٹا ءِ مردم آں گوں وعدہ کنگ بوتگ کہ آواں چہ ھما ٹیکسز اے وھد ءَ گرگ بوھگ ءَ اَنت ھما ٹیکسز پد ءَ ھم گرگ بنت، اے ھوالگ ءَ سینیٹ، قومی اسمبلی ءُُ خیبر پختونخوا اسمبلی ءَ منوگری ھم منظور کتگ ایشی ءِ رد ءَ اے پیسلہ کنگ بوتگ۔ آئی ءَ گوشت کہ فاٹا ءِ واستہ لیگل فریم ورک ءِ بابت ءَ بُنجاھی ءُُ صوبائی کمیٹی آنی تپاکی رایہ ءَ چہ صوبائی آرڈیننس آناں پکوئیں شکل دیگ بوتگ ایش آیوکیں لستیں وھد ءَ سر وزیر کے پی کے ءِ ایڈوائس ءِ سر ءَ گورنر کے پی کے جاڑی دار ایت۔
