اسلام آباد ۔ 18 جولائی (اے پی پی)بنجاہی کابینہ ءَ پیسریگیں فاٹا/پاٹا ءِ دمگاں بنداتی وڈ ءَ سئے ماہ ءِ ھاترا بنجاہی ٹیکساں چہ استثنیٰ ءِ منظوری داتگ وھدیکہ بنجاہی حکومت ءِ گریڈ 17چہ 22ءِ افسرانی دو روچ ءُُ گریڈ یک ءَ چہ 16ءِ کارندہانی یک روچ ءِ پگھار دیا مر بھاشا ءُُ مہمند ڈیمانی ھاترا عطیہ دیئگ ءِ صلاح ءِ توثیق کتگ، کابینہ ءِ باسک اے فنڈ ءِ ھاترا وتی یک ماہ ءِ پگھار دنت۔بنجاہی کابینہ ءِ دیوان ادارکی مزن وزیر جسٹس (ر) ناصر الملک ءِ سروکی ءَ چار شمبے ءَ مزن وزیر کارگِس ءَ برجم بوتگ۔سیکرٹری داخلہ ءَ دیوان ءَ را لس گچینکاری ءِ ساعت ءَ امن ءُُ ایمنی ءُُ سیکیورٹی ءَ سدکی جوڈ کنائینگ ءِ ھاترا صوبائی حکومت ءِ کمک ءِ ھوالہ چہ کتگیں گامگیج ءُُ کوشستانی باروا سرپد کتگ۔اے گام گیج ءِ تہ 42 ہزارچہ گیش سول آرمڈ فورسزءِ تعیناتی،نیکٹا ءِ زریعہ صوبائی حکومت ءَ گوں معلومداری ءِ مٹ ءُُ سٹ،ایوی ایشن کمکار ءِ پھجارگ ءُُ ایف آئی اے ءُُ نادرا ءِ نیمگ ءَ چہ تکنیکی کمک ءِ ھوار لہتیں گامگیج ھوار انت۔ کابینہ ءَ صوبائی حکومتانی ھاترا اے گپ ءَ سدکی جوڈ کنائینگ ءِ سرا زور دات کہ گچینکاری راھبند ءُُ اخلاق ءُُ سیکیورٹی پروٹوکول ءِ سرا ترندی ءَ گوں وڈ ءُُ پیم بوتگ ءُُ انتظامیہ ءِ نیمگا چہ سیاسی راھشونءَ را کارنر میٹنگز ءُُ سیاسی مچی ءِ ساعت ءَ سیکیورٹی ءَ سدکی جوڈ کنگ ءِ ھاترا چست کتگیں گامگیج ءِ باروا سرپد کنگ بیت۔ کابینہءَ اینٹی منی لانڈرنگ ءُُ ناشرکاری ءِ ھاترا مڈی ءِ پھجارگءِ گرءُُ دار ءِ ھوالہ ءَ گوں ملک ءِ کمنٹمنٹ سرجم کنگ ءِ ھاترا ایکشن پلان ءِ سرا وڈ ءُُ پیم ءِ تہ آسراتی ءِ ھاترا ھزانگ ڈویژن ءِ نیمگا چہ صلہ داتگیں لہتیں گام آنی منظوری داتگ۔کابینہ ءَ دیامر بھاشا ءُُ مہمند ڈیمءِ جوڈ کنگ ءِ ھوالہ گوں بنجاہی ملازمانی نیمگا چہ بہر مان کنگ ءِ توسیپ کتگ۔صلہ ءِ ردا گریڈ17 چہ 22ءِ افسرانءِ دو روچ ءُُ گریڈ یک چہ 16 ءِ افسر یک روچ ءِ پگھار اے مول ءِ ھاترا عطیہ کنگ بیت۔کابینہءِ باسک فنڈز ءِ ھاترا وتی یک ماہ ءِ پگھار دنت۔کابینہ ءَ ڈسٹرکٹ اینڈ سیشن جج محمد سلیم ءِ سئے سال ءِ وھد ءَ پہ جج بینکنگ کورٹ II لاہور تقرریءِ ھاترا منظوری داتگ۔ کابینہ ءَ 13 جولائی 2018ءِ سمری ءُُ راجی ھسابداد آرڈیننس ءِ ردا جاڑی حکمنامہ واتر زورگ ءِ ھم منظوری داتگ۔ کابینہءَ مقابلہ ءِ چکاس ءِ کانود 2016ءُ 2017ءِ از سر نو توسیپ ءِ ھاترا آرڈیننس ءِ منظوری داتگ۔دیوان ءَ پورٹ قاسم اتھارٹی ءِ چیئرمین ءِ اگدھ ءِ گیشءِ چارج اسد رفیع چندنا(بی ایس21) ءَ را دیگ ءِ صلہ ءِ منظوری ھم داتگ۔کابینہ ءَ پیسریگیں فاٹا/پاٹا ءِ دمگ ءَ را بنداتی وڈ ءَ سئے ماہ ءِ ھاترا بنجاہی ٹیکساں چہ پہلی ءِ ھوالہ چہ نوٹیفکیشن ءِ جاڑی کنگ ءِ منظوری ھم داتگ۔دیوان ءِ تہ الیکشن ایکٹ 2017 ءِ شق 6(3) ءِ تہ ترمیمءِ ھم منظوری دیئگ بوتگ۔
