مہم اٹی 4 کروڑ 71 لکھ 40 ہزار نیال خلنگک
اسلام آباد ۔ 18 جولائی (اے پی پی) نگران وزیر اعظم جسٹس (ر) ناصر الملک پاکستان ءِ سرسوز جوڑ کننگ نا عزم اتون چارشنبے نادے سالانہ بشام شجر کاری مہم نا بناءِ کرینے ۔ وزیر اعظم ایوان وزیر اعظم اٹی نیال خلسا شجر کاری مہم نا بناءِ کرے ۔ نگران وزیر موسمیاتی بدلی محمد یوسف شیخ وسینئر کمامدارآک داوخت آ ساڑی ئسر۔ یات سلے کہ وزارت موسمیاتی بدلی داسال صوبہ ، سلہہ بند فوج، پولیس، سول سروسز، بلدیاتی ادارہ ، کارپوریشن، وت واجہ ادارہ وتعلیمی ادارہ غاتا کمک اٹ قومی کہول آ بشام اٹی 4 کروڑ 71 لکھ 40 ہزار نیال خلنگ نا ہدف ءِ تخانے ۔ ہدف آتا رداٹ پنجاب 90 لکھ، سندھ اسہ کروڑ 10 لکھ، کے پی کے یک ءُ نیم کروڑ، بلوچستان 6لکھ ، آزاد جموں کشمیر 36 لکھ ، گلگت بلتستان 36 لکھ ،مسکوہی فاٹا 53 لکھ ، این ایچ اے 5 لکھ ، جہانی ادارہ قدرتی رکھ 5لکھ ،پاکستان آرڈیننس فیکٹری 20ہزار، وزارت دفاع 10 لکھ ،ایروناٹیکل کمپلیکس 20ہزار وہیوی انڈسٹریز ٹیکسلا اسہ لکھ نیال خلنگ نا ہدف ءِ مقرر کرینو ۔ دا شجر کاری گرین پاکستان پروگرام نارداٹ جاری مہم آن بیدس مریک ۔چاگڑد نا جوانی ٹی جنگل آتا کڑد انا اہمیت ءِ تالان کننگ ، موسمیاتی بدلی نا منفی زہم تا توننگ وتخفیف نیزگاری کن شجر کاری مہم آتا باقاعدگی اٹ بست و بند کننگک ۔ حکومت گرین پاکستان پروگرام نا کمک اٹ غٹ صوبہ و علاقہ غاتے ٹی بھلو کچ اسے آ شجر کاری مہم نا بناءِ کرینے ۔دا پروگرام نارداٹ مچ آ ملک اٹی 10لکھ ودکی نیال خلنگک ۔2017-21ء نا وخت آ محیط داپروگرام نا جم اٹنگا خڑچ 3.652 ارب روپئی ءِ ۔
