اسلام آباد۔ 2مئی ( اے پی پی ) مزن وزیر محمد نواز شریف ئَ گشتگ انتکہ پاکستان دمگی ہم آہنگی ئِ ترندی ئَ کنگ ئَ انت ئُُ 46ارب ڈالر ئِ سرمایہ کاری ئِ ھستیںپاک چین اقتصادی راہداری ئُُ بنیاتی ڈھانچہ ئِ منصوبہ ئِ مکسد پورا خطہ ئَ واپاری ئَ دیمروی دئیگی انت۔ آئی ئَ گے گپ میاں استمانی واپاری تنظیم ( ڈبلیو ٹی او) ئِ ڈائریکٹر جنرل ربرٹو ایزی ویدو ئِ گوں دو شمبے ئَ مزن گِس ئَ گپ ئُُ تران کنگ ئَ کرتگ۔ مزن وزیر ئَ گشتگ کہ سی پیک دمگی ملک آنی نیام ئَ واپاری دراجی زیات ئُُ دمگ ئِ کنٹرول اُلس ئِ معیار زند شیر جوڑ کنگ ئِ بے پناہ گہتری داریت۔ مزن وزیر ئَ واپاری ئِ ارزشت زورگ ئَ گشتگ کہ پاکستان گلوبل سپلائی چین ئَ سرجمی ئَ ہم ااہنگی ئِ پجارینگ ئِ ھاتر ئَ واپاری ئِ ہمگرنچ وتی قانود ئَ ہم ااہنگ جوڑ کنگ ئَانت۔ پاکستان ڈبلیو ٹی او ئِ گوں وتی شریداری زیات کنگ ئِ ھاتر ئَ تیار انت ئُُ میاں استمانی مسابقانہ واپاری تصورات ئِ خیر مقدم بہ کناں۔ مزن وزیر ئَ گشتگ کہ ھستیں جمہوری حکومتئِ ردا امن ئُُ ایمنی ئِ شریں جاورال ئِ آسر ئَ اقتصادی محکمی پیداک بوتگ انت۔ آئی ئَ گشتگ کہ مئے حکومت توان ئِ قلت ئِ مسئلہ ئِ سرا دست گرگ ئَ انت ئُُ ماں بازیں توان گِس آنی سرجی ئَ پد تاں 2018اے مسئلہ ئَ سرجمیں وڑ ئَ ھل کنگ ئِ امیت دار انت۔
