لندن ۔ 12 جون (اے پی پی) انگلینڈ وآسٹریلیا ناکرکٹ ٹیم تانیام اٹ پنچ اسہ دے ئی جہانی کرکٹ میچ آتیا تالان سیریز نا اولیکو میچ (اینو) چارشنبے نادے آ لندن اٹی گوازی کننگک ۔ ہڑتوم آ ٹیم تا نیام اٹ میچ ڈے و نائٹ مریک ۔ ہڑتوم آ ٹیم تا کیپٹن آک سیریز اٹی سرسہبی کن بیان تسنو و اومیت کننگ انگ ءِ کہ کرکٹ نا شونقی تے سخت مقابلہ ہُننگ کن ملک ۔ یات سلے کہ ہڑتوم آ ٹیم تا نیام ات پنچ میچ آتا سیریز نا ارٹ میکو میچ 16 جون آکارڈف اٹی گوازی کننگک ، سیریز نا مسٹ میکو میچ 19 جون آنوٹنگھم اٹی گوازی کننگک ، سیریز نا چارمیکو میچ 21 جون آچیسٹرلی سٹریٹ اٹی گوازی کننگک وخت اس کہ سیریز نا پنچ میکو و آخریکو میچ 24 جون آمانچسٹر اٹی گوازی کننگک ۔ ہڑتوم آ ٹیم تا نیام اٹ اسٹ انگا ٹی ٹونٹی کرکٹ میچ 27 جون آبرمنگھم اٹی گوازی کننگک ہرادے و نن مریک ۔
