سعودی فرمانروا مکہ دیوان اٹی عرب ملک آتے اسہ میز آ جمع کرسا ایلمی نا مثال اس جوڑ کرے ، شاہ عبداللہ دوم

عمان۔ 12 جون (اے پی پی) اردن نافرمانروا شاہ عبداللہ دوم تینااسہ بیان اسے ٹی مکہ معظمہ ٹی خادم الحرمین الشریفین نا کماشی ٹی اردن اٹی معاشی تنکی نا ایسری نا بابت مروک آ دیوان نا ستاءِ کرسا شاہ سلمان نا خصوصی منت واری ءِ ہرفینے ۔العربیہ ٹی وی نا رداٹ ٹویٹر آپوسٹ کروک اسہ اسہ بیان اٹی شاہ عبداللہ دوم نوشتہ کرینے کہ اردن ءِ مون تروک تنکی نا ایسری کن سعودی فرمانروا شاہ سلمان ایلو عرب ملک آک کویت و متحدہ عرب امارات ءِ اسہ میزآجمع کرسا ایلمی نا مثال اس جوڑ کرینے ۔ اردن سعودی عرب و ایلو عرب برادر ملک آتادامستحسن گام گیج ءِ قدر انانظراٹ ہرک ۔ اوپارے کہ ننے اومیت ءِ کہ پین وخت اس ہم عرب ملک آک ہنداوڑنا عرب ایلمی و یکجہتی نا درشانی ءِ کیرہ ۔یات سلے کہ اردن اٹی جاری معاشی تنکی نا رداٹ سعودی عرب نامیزبانی ٹی چار ملک آتا اہم دیوان اٹی اردن کن 2.5 ارب ڈالر ناامدادی پیکج ناپڑو ءِ کننگاسس۔