بیجنگ ۔ 12 جون (اے پی پی) چین دااومیت نا درشانی ءِ کرینے کہ شنگھائی کمکار تنظیم پاک بھارت جھیڑہ غاتا ایسری ٹی بنداوی کڑدادا کننگ کیک ۔چینی وزیر خارجہ وانگ یائی چینی ذرائع ابلاغ ءِ انٹرویو ٹی پارے کہ ننے داہیت انا معلوم ءِ کہ ہڑتوم آ ملک آتا نیام اٹ بھلو وخت اسے آن ایسرنا چاری جھیڑہ غاک ساڑی ءُ ولے داسہ وخت اس کہ ہڑتوم آ ملک آک گدرینگوک آ سال شنگھائی کمکار تنظیم نا باسک جوڑ مسنو ، نن دا تنظیم نا حالت اٹ اوفتے باہم تعلقداری تا گچینی کن گچین پلیٹ فارم ووارخواہی فراوان کننگ کینہ ۔چینی وزیر خارجہ مستی پارے کہ ایس سی او ناباسک ملک آک اسہ ایلو تون گچین تعلقداری نا عزم کرینو ۔ او ایس سی او ءِ پاک بھارت تعلقداری نا گچینی کن ’’گریٹ وہیکل‘‘ اس گوندا۔ اوپارے کہ افغانستان اٹی سوگوی شنگھائی کمکار تنظیم کن علاقائی سلامتی نا اہم ءُ معاملہ اسے انتئے کہ اوغانستان اٹی ایس سی او ناگیشتر باسک ملک آتا ہمسایہ ءُ۔
