بیجنگ ۔ 7 جون (اے پی پی) چین نا کوشست ءِ کہ انتہا پسندی تون مون تننگ کن تینا لائخی ءِ زیات گچین جوڑ کننگے ۔جرمن خبررساں ادارہ نا رداٹ ویک اینڈ پر شنگھائی کوآپریشن آرگنائزشن (ایس سی او) ناسمٹ اٹی بیجنگ حکومت تینا سیوتی ملک آک بشمول روس اتون اواری اٹ دارداٹ اسہ پوسکن ءُ اسیجائی حکمت عملی اس تیار کننگ نا کوشست کیک ۔ پاکستان وبھارت ہم دا علاقائی سیوت نا باسک آک ءُ وخت اس کہ ایران بطور مبصر داآرگنائزشن نا بشخ ءِ ۔ علاقائی ویل آتون مون تننگ نا خاطر 2001ٹی داتنظیم نا بنداو ءِ تخنگاسس۔ فی الحال داعلاقائی گروہ داعش نا ہند ن انگا باسک آتیا چکار کننگ خواہک ، ہرا شام وعراق آن پدی تینا ملک آتیاہِننگ ءُ ۔
