اسلام آباد۔ 28 دسمبر (اے پی پی ) وزارت انسانی حق انا رداٹ الس اٹی بنداوی حق انا بارواٹی شعور و آگاہی ودفنگ کن چندی گام گیج کننگانے ہرافتا رداٹ زند اناحق، انسانی زند انا عظمت و توقیر، سگ و بین المذاہب ہم آہنگی آپبی توجوہ تننگ انگ ئِ وخت اس کہ زالبول ، اقلیت ، چنا ، بزرگ و معذور آتا حق آ ہم خصوصی توجوہ تننگ انگ ئِ۔ وزارت انسانی حق انا ذرائع پارے کہ دارداٹ کیہی دود، اشتہار و کیہی ایلو فارم آتیا انسانی حق انا قدر و منزلت ئِ تالان کننگ انگ ئِ۔ اسلام آباد اٹی ساڑی ہی ٹی پبلک ہند آتیا بیداد خاص کر زالبول آ بیداد ی نا توننگ نا بارواٹی بھلو بھلو بینر خلنگانے و انسانی حق انا شرف و اوفتیا عملدرآمد کن آگاہی مہم چلیفنگ انگ ئِ انتئے کہ ساڑی آ حکومت پائیدار شون نا ہدف آتا دوئی ئِ بھاز اہمیت ایتک و ہیلپ لین 1099 نا اڈتننگ ہم ہندا چرجوئی نا اسہ کڑی اسے۔ وزارت انسانی حق انا ذرائع پارے کہ انسانی حق انا زہمی بندغ و حقدار آتا دادرسی کن اڈ تروک ہیلپ لین پوروی وڑاٹ کاریم کننگ ئِ و انسانی حق انا مچ آ ملک آن زہمی تے کانودی مشورہ نا دروشم اٹ و حوالہ جاتی کمکاری ئِ کرسا دادرسی کننگ انگ ئِ۔
