کوئٹہ۔ 28 دسمبر (اے پی پی) پاکستان مسلم لیگ (ن) نا صوبائی سیکرٹری اطلاعات و وزیراعلیٰ بلوچستان نا کوآرڈینیٹر علاﺅالدین کاکڑ پارینے کہ بنجائی حکومت بلوچستان ناشون و شونہالی و شونداری ڈٹ آتا بروخت پوروی کن پرعزم ئِ، گوادر تون اوار مچ آ صوبہ ٹی الس ئِ تعلیم ، جان جوڑی و صاف دیر انا فراوانی کن چندی ڈٹ آتیا کاریم ترندی اٹ برجائِ۔ داہیت ئِ او چارشنبے آ ”اے پی پی “ تون ہیت وگپ کرسا پارے۔ علاﺅالدین کاکڑ پارے کہ پاک چین اقتصادی راہداری ڈٹ آن بلوچستان تون اوار مچ آ ملک انا غٹ علاقہ غاتا بندغ آک مستفید مریرہم، سی پیک گیم چینجر ڈٹ اسے۔ بلوچستان نا پوریاگر تنظیم تتون اوار سیاسی و مذہبی جماعت آک پاک چائنہ اکنامک کوریڈور ئِ سرسہبی اٹ ایسری اسکان سرکننگ کن حکومت کوشست آتے قدر انا نظر اٹ ہریرہ اوپارے کہ پاک چین اقتصادی راہداری ڈٹ انا بدولت بلوچستان نا ورناتے فنی تعلیم و تربیت و ہنر ہیل تننگ کن کوئٹہ تون اوار کیہی علاقہ غاتیٹی ووکیشنل ٹریننگ سینٹر نا اڈتننگ ئِ عمل اٹی اتنگانے ہراٹی طالب علم آتا بھلو کچ اس کمپیوٹر، دست کاری تون اوار پین ہنر ہیل کننگ ئُ ہرا ہنر مند ورناتے روزگار نا فراوانی ٹی کمکار جوڑ مریک۔
