چائنا نیشنل نیو کلیئر کارپوریشن و پاکستان اٹامک انرجی کمیشن نا کمکاری اٹ پورو کننگا ڈٹ آن بجلی نا کاختی نا مون ئِ توننگ اٹی کمک رسینگک، چشمہ فور نیو کلیئر پاور ڈٹ 2017ءٹی پورو مریک
چشمہ ۔ 28 دسمبر (اے پی پی) وزیراعظم محمد نواز شریف چارشنبے آ 340 میگاواٹ نا چشمہ تھری جوہری بجلی اُرا نا افتتاح ئِ کرے۔ بنجائی وزیر دیر و بجلی خواجہ محمد آصف ، وزیر مملکت دیر و بجلی عابد شیر علی ، وزیراعظم نا سلاہکار خارجہ امور سرتاج عزیز و پاکستان اٹامک انرجی کمیشن نا چیئرمین محمد نعیم ئسک ہم داوخت آ ساڑی ئسر۔ داکان مست کنٹرول روم اٹی وزیراعظم ئِ پلانٹ منیجر ریاض خالق انصاری بریفنگ تس۔ وزیراعظم ئِ پاننگانے کہ دا ڈٹ چائنا نیشنل نیو کلیئر کارپوریشن و پاکستان اٹامک انرجی کمیشن نا اسیجائی کمکاری اٹ پورو کننگانے ہرا ملک اٹی بجلی نا کاختی نا مون ئِ توننگ اٹی کمک ایتک۔ چشمہ ون و چشمہ ٹو پروجیکٹ نا سرسہب آپریشن آن پد دا مسٹ میکو ڈٹ ئِ۔ چشمہ فور نیو کلیئر پاور نا ڈٹ 2017ءٹی پورو مریک وخت اس کہ کراچی نیو کلیئر پاور پروجیکٹ نا ۔2و کے۔3اان 2030اسکان قومی گریڈ اٹی 8800 میگاواٹ بجلی نا ودکی مریک ہرا پاکستان اٹامک انرجی کمیشن کن وسط مدتی ہدف ئِ۔ پاکستان نیو کلیئر ریگولیٹری اتھارٹی چشمہ تھری تون اوار غٹ نیو کلیئر پاور ڈٹ آتا منظوری ئِ تسنے ہرا انٹرنیشنل اٹامک انرجی ایجنسی معاہدہ غاتا جوہری معیار آتا وڑاٹ ئِ۔ چشمہ تھری پاور پلانٹ پاک چین اسیجائی کمکاری نا اسہ پین مزل اسے نا نشان ئِ۔ داڑآن صنعتی و واپاری بشخ آتے توانائی نا فراوانی کن ذریعہ ملک انا جم اقتصادی شونداری ٹی کمک رسینگک۔ وزیراعظم محمد نواز شریف تختی نا نقاب کشائی ئِ کرسا ڈٹ انا باقاعدہ افتتاح ئِ کرے۔ داوخت آ ملک انا سلامتی ، شونداری و شونہالی کن دعا ہم کننگا۔
