واشنگٹن۔ 03جون (اے پی پی) امریکہ نا خڑک سمندر اٹی جہاز اسے نا تمنگ و بھس مننگ آن 2 بندغ تپاخت وخت اس کہ 2بندغ بے گواہ مسنو۔ امریکی کوسٹ گارڈز پارے کہ پائپر پی اے 31- نواجو پنی آ جہاز لونگ آئی لینڈ نا سانڈین ویلز کرک آن اسہ میل اس مر سمندراٹی تمسا بھس مس ہراٹی اِرا بندغ تپاخت کریر و اِرا بندغ بے گواہ مسنو۔ کرکی محافظ محکمہ نا کیپٹن کیوین ریڈ اسہ بیان اسے ٹی پارے کہ شکست آن پد سمندر آن اِرا لاش ءِ کشنگانے وخت اس کہ اِرا بے گواہ بندغ آتا پٹنگ نا کاریم برجاءِ و امریکی ائر نیشنل گارڈز ، کرکی محافظ محکمہ نا کارندہ و بحری جہاز نا عملہ اِرا بے گواہ بندغ آتا پٹنگ نا کاریم ءِ برجا تخانو۔
