اسلام آباد۔ 27دسمبر (اے پی پی) اسپیکر قومی اسمبلی سردارایاز صادق گودی بے نظیر بھٹو نا شہید ئِ ملکی تاریخ نا سیاہ ئُ باب اس گوندسا اونا جمہوریت ئِ دوعام اس تننگ کن قربانی تیا خراج عقیدت پیش کیک۔ سے شنبے آ گودی بے نظیر بھٹو ئِ 9می برسی نا وخت آ داکان جاری اسہ بیان اسے ٹی اوپارے کہ گودی بے نظیر بھٹو پاکستان اٹی جمہوریت ئِ دوام تننگ کن نہ صرف جہد کرے بلکن او قربانی تننگ آن ہم پدسلتو۔ اوپارے کہ گودی بے نظیر بھٹو ہمیشہ جمہوریت کن جنگ تسنے و جمہوریت نا خاطر تینا جان نا قربانی تس م، او اسہ بہادر و نڈرئُ لیڈر اس ئس ہرااسہ آمر اسے نا خن تیٹی خن تے خلسا جمہوریت نا خاطر مردانہ وار مقابلہ کرینے۔
